MANDA ! # 7

2026.04.20

1-intro

🛏️🎵 01- Toc de Castells – Grallers

🎤 Lo “Manda !” d’abril o d’abrial s’encamina tot fresc coma las fragas que nos venon d’Òlt e Garona. Amb de bonas novèlas e de nòvas marridas que nos venon de la Region Occitania Pirenèus Mediterranèa per las bonas e per las marridas de las eleccions municipalas a Carcassona notadament.

Manda ! l’emission cent del cent çaganh, cent del cent decabestrada aquí sètz plan a Radio-Larzac, 8 Carrièra de la Bocariá 12100 Milhau.

🎵 pad_Manda_solet.mp3 👍

🎵 pad_Mura Masa – Deal Wiv It.mp3 👍

🎤Per l’emission de duèi avèm :

1. La cronica d’Eric que nos es tornada ;

2. Un crit de sorna colera de l’amic Alan Roch sus Carcassona ;

3. Una descobèrta musicala que ne sèm fièrs aquí a Radio Larzac ;

4. La cronica de Celian sus la Sant-Jòrdi un eveniment que seriá bon de fa nòstre tanben ;

5. la sequéncia de ukulele un pauc enrabiada ;

6. Un brave salut a la revista Patrimòni ;

7. “Avèm ganhada la botelha”, sabètz pas de çò que ne parli, demoratz a l’escota.

🎵 pad_Andiamo.mp3 👍

2 La cronica d’Eric

🛏️🎵 02a-Ma sorcière bien aimée – Générique

🎤 L’amic Eric nos es tornat e a la debuta es pas una engana, balha lo bonjorn al monde de Radio Lengadoc, alara qu’escotatz Radio Larzac sai que non ! Non, es solament un manlèu a la cronica qu’Eric fa a Radio Lengadoc e aquò son d’escambis que fasèm nautres entre radios en tota amistat.

Fa que d’uèi la cronica pòrta sur la mangiscla e particularament d’una recepta de nòrd avairon, l’aligòt. Es pr’aquò que farem pas de cronica de topina que n’avèm ja una plan entresenhada.

🎵 02b-Bon Profit Aligòt – Eric Astié

3 Carcassona, ma paura vila

🎤 Vos aviái dich que i aviá pas sonque de bonas nòvas, ne vaqu­í una que raca còr, mas daissem Alan Roch de Carcassona, la nos contar.

🎵 03a-Carcassona ma paura vila – Alan Roch

📢 Triste rebat del nòstre Alan, un pauc de musica gaujosa e abrandadissa que nos ven de La Ciotat, non pas aquela d’Aude, aquela de Boca de Ròse amb Moussu T e lei Jovents.

🎵 03b-Moussu T e Lei jovents – Mar e Montanha

4 Angine de Poitrine

🎵 04a-intro Angine de Poitrine

🎤 E òc, es a Manda ! l’emission decabestrada que proposa de musica de tria, de primièra borra, totjorn a la poncha, la poncha d’agast. E òc es dins Manda ! qu’avètz ausit primièr, lo grop que tot lo monde ne parla d’en pertot. Tiratz ! David Bruce, Davide 504 (five O four o Cinque cento quattro), David Bennett, dieus i pas que de David ? Rick Beato, Étienne Guéraud, Florent Garcia e un fais d’autres enfluençaires qu’an descobèrt lo grop mitic del Québec, del Saguenay exactament entre Charlevoix e le Lac Saint-Jean. E ben, nautres sèm davanciérs, aquí a Radio Larzac per lo aver descobèrt al mens un mes abans, la rotina, que !

🎵 pad_aplause.mp3 👍

🎵 04b-Sherpa-Angine de poitrine commodore 64 cover – Gabriel Champagne

📢 Òc es plan “Sherpa” lo tròç d’Angine de Poitrine mas per un admirator. Començan d’a pro pena e ja an d’admirators que fan d’omenatges. Gabriel Champagne, un Quebequés tanben que s’emplega a programar son ordinator Commodore 64 amb un chipset SID 6581 el tanben es compositor de musica jos lo nom de Mitainedor. I a tanben d’imitators de l’atrencadura de “Angine de Poitrine“ (accent quebequés) a s’espetar de rire, tot aquó sus You Tube.

5 La Sant Jòrdi

🎵 pad_Dali-viralenga.mp3 👍

🎵 05a-Sant-Jòrdi – Celian

🎤 A prepaus de la Sant-Jòrdi, la tradicion es a s’espandir a Tolosa es a dire que los occitans se pertòcan d’adormerga la genta tradicion en terra occitana que los bessons nòstres (nòstres germans) nos mòstran lo camin.

🎵 05b-Tinc son – Grail’òli.mp3

📢 “Tinc son” tirat d’un poèma de Joan Josep Roca Labèrnia « Tinc Son » (Catalan) lo grop Grai’òli son de paisbassòls a çò qu’òm ditz.

6 Ukulele quepon

🎵 06-Cramer des McDo – Joey Glüten.mp3

📢 Un pauc de doçor e de mofladesa (es un mot qu’existís pas) amb un ukulele un petarèl, Joey Glüten, cremar de malmangar en tot cas m’avètz comprés.

Çaquela es pas una bona aisina lo ukulele per calhaussar los Leclercs o se castanhar amb la gendarmariá…

7 Patrimòni

🎤 Avèm recebut una letra de Bernat Verdié que nautres coneissèm plan, pr’amor qu’es lo capredactor de la revista Patrimòni. E ben Patrimòni estrena sos vint ans al servici dels patrimònis. Se ditz la començança de la revista que tracha del bestium, de l’istòria, de geologia, un patrimòni cultural discret quand se ‘n vira e puèi una plaça mai que respectuosa de la lenga e cultura nòstra encara que l’istòria, la geologia e totes los subjèctes trachats per Patrimòni son la cultura nòstra.

🎵 07-Rue des prés / Tanteeka

📢 l’acordeon diatonique de Paul Young amb una peça Rue des Prés de Stéphane Durant e Tanteeka de Jo Freya of Blowzabella .

8 Avèm ganhat avèm ganhat la botelha…

avèm ganhat lo sopar.

🎵 pad_aplause.mp3 👍

E ben, l’avèm ganhada la botelha. Vos aviái demandat de votar per nos, enfin per l’emission Manda ! e fin finala avètz capitat de nos far ganhar. E sèm arribats primièr, ò paure ! primièr !. Primièr quin polit mot, primièr sus un quarantenat de projèctes. Ara sabèm pas çò que donarà amb La Region. En tot cas, l’assegurança qu’avèm d’amics e de sosten a semals.

Nos cal parlar del projècte vengut segond qu’es “Los ados que parlan en occitan” de Meiruèis e del Bleimard de classas de cinquena. Òsca Lozèra !

A Radio Larzac, sèm plan fièrs coma de pesolhs dins un taçon de crema o coma un rat dins un palhièr.

Ara ès ora de festejar, ‘cause we gotta fight for our right to party.

🎵 08-(You Gotta) Fight For Your Right (To Party)-Beastie Boys

09 Calendièr

🛏️🎵 09-La Séquence du Spectateur

05.05 COUMES / CAVALIÉ N’I A PRO !
Université de Montpellier Paul Valéry Montpellier (34)
07.05 VERGER / CAVALIÉ COSMOGONIA
Saison culturelle l’Envolée Capendu (11)

09.05 – La mission departamentala de la cultura en partenariat amb Sirventés proposa un estagi de cant amb Marie Coumes a la sala de la comuna de Laissac.

09.05 MALIKA VERLAGUET Malika, Tour de conte, Musée de Millau et des Grands Causses Millau (12)

09.05 ARNAUD CANCE LA SOUPE À L’OIGNON l’Ilôt Vigarié Laissac-Severac la Gleiza (12)

10.05 MALIKA VERLAGUET VEICI VEN ! avec Céline Mistral l’Ilôt Vigarié Laissac-Severac la Gleiza (12)

16.05 ARNAUD CANCE LA SOUPE À L’OIGNON Confederacion Occitana de las Escòlas Laïcas Calandretas Espalion (12)

23.05 MALIKA VERLAGUET VEICI VEN ! amb Céline Mistral Cooperativa Les Bergers du Larzac La Cavalerie (12)

10 FIN

🛏️🎵 10-Cowboy Bebop – Bad Dog No Biscuits.mp3 (4’42) (tapis)

Vaquí que s’acaba Manda ! una edicion balèsa e comola…