Radio Larzac / Programmes  / Manda  / Manda ! #3 – 15 de decembre 2025
In Manda By Domenge Castel

Manda ! #3 – 15 de decembre 2025

Voici le 3ème numéro de « Manda ! »

 

Òc-da, non sètz enganats, Manda ! una emission en occitan e en catalan, amb tròces de punk, de ukulele, de jazz, de tot fin finala, fora borra e a fum de calhaus.

Intro

🎵 Cretin hop – The Ramones GUGUG(tapis)

🎤 Adissiatz brave monde e tan pièger se m’engani, sèm totes dos, Celian e Domenge per animar aquela emission que se sòna :

🎤Una emission d’una ora en occitan e en catalan amb d’unes tròces de cultura mediteranenca, de Ròck, de Punk, de Jazz, de Ukulele, e un cachafuòc per tenir tota la nuèch de nadal.

🎤De topina, de mangiscla, amb la cultura occitana tan coma catalana cal totjorn parlar de manjar, donca una recepte tipica, pas cara, simpla que simpla, de topina d’en cò nòstre.

🎤Per l’emission de duèi avèm :

  • un dorsièr de Nadal : la comparason entre un nadal occitan (provençal pel cas) e un nadal catalan

    • lo tretze dessèrts (Provença)

    • Nadal catalan

  • una bofiòla de vocabulari (un tròcinon, tracinel de vocabulari)

  • l’alestiment del Pan Calendau

    • Poèm de Joan-Enric Fabre (nascut a Sant-Leonç) lo verboisset (lo pichon grifol)

  • lo calendièr

Dorsièr de Nadal

Los quatre mendicants
pachichòis		 Las datas
Las figas secas
Los raisims sècs
Las noses o las nogas		 los reis

los dominicans
los augustins
Los dos nogats blanc
negre		 los penitents
La pompas d’òli que nòl la flor d’irangièr
Las fruchas mandarina
rasim blanc
melon d’aiga		 riquesa, abondéncia

paciéncia
lechièras, bonbons calisson d’Aís
pasta de condonh
frucha confida d’Ate

Nadal tindaire

  • 📢 Per la corala del Festenal de Val de Musa

  • 🎵 Festenal de La Musa – Nadal Tindaire

Vocabulari

🎤 De que ? Es ja l’ora de la bofiòla d’Eric es lo collèga de Sant-Peire de la Fage….

  • 🎵 0Eric Astié – Tenir

🎤Tradicion de Nadal (en Provença)

Lo pan Calendal/ pan Calendau per lo resopet
Segon la tradicion provençala, la taula del ser de Nadal deu èsser alestida de tres toalhas blancas empialadas, dessús tres candelièrs, tres sieton de blat de froment, e mai que tot, lo pan calendal bèl – fach de pura flor de froment, d’una bola centrala enredodat de dotze bolas pichonas es fissat en son centre d’une branca de verboisset (grifol pichon) simbòl de renaissença. Lo pan calendal es pas aquel de cada jorn. Es una micha, una torta, de son centre atalhat d’una crotz que representa Crist, e cada bola son los dotze apostòls.
Es margat de mirta «nerto». L’aujòl pren lo pan e i lo signa a l’esquina d’una crotz a la poncha del cotèl. Lo trenca en tres parts : una per los paures, una per lo sopar e la darrièra pels miracles. Es servada dins l’armòri per se parar l’ostal del folzer e del fuòc. Puèi l’aujòl lo compartís als conviats, en pregant Dieu d’assegurar lo pan jornalièr a cadun.
Se portava tanben un tròç a las bèstias. En Francés Marchetti afortís que los marinièrs e los pescaires non se botavan a la mar sens ne prendre amb eles sens ne jetar a la mar quand èra irosa. Puèi venguèt la formula tradicionala que l’aujòl ditz en asaigant lo cachafuòc o lo soc de Nadal amb de vin cuèch o de vermut per los catalans (anoncia pagada per Catalunya.com)
https://www.catalunya.com/
:		 https://www.paroissedemartigues.com/2015/12/selon-la-tradition-provencale-la-table-du-soir-de-noel-doit-etre-dressee-a-l-aide-de-trois-nappes-blanches-y-figurent-trois-chandeli
Alegre ! alegre !
Mi bèus enfant, Diéu nos alegre !
Emé Calenda tot ben ven…
Dieu nos fague la gracia de vèire l’an que ven,
E se non siam pas mai, que non siaguem pas mens !

Christmas in New Orleans – Louis Armstrong (Christopher Davis-Shannon)

  • 🎵 Christmas in New Orleans – Louis Armstrong

Poèm de Joan-Enric Fabre

  • 🎵 Jean-Henri Fabre – Oubreto Lou verbouisset

Lo verboisset – de Joan-Enric Fabre – Lo felibre di tavan legit per Patric Colombo
https://www.e-fabre.com/bibliotheque_sonore/Oubreto/Lou_verbouisset.htm

Robert Crumb & his Cheap Suit Serenaders

  • 📢 My Girl’s pussy. Solide es “The Robert Crumb” lo dessenhaire american de contra cultura que s’es virat a la musica e qu’a reviscolat un fais de cançons vielhas, de ragtime aquela es de 1931 una version esplendida de Harry Roy. «My Girl’s Pussy» es una cançon genta e canda que parla de la cata de son amiga, qu’es una fòrt polida catoneta, lisa e caudeta que fa bon de la blandir e de la caressar.

  • 🎵 Robert Crumb & His Cheap Suit Serenaders – My Girls Pussy

Lo Vent d’autan

  • 📢 Per la corala del Festenal de Val de Musa

  • 🎵 Festenal de La Musa – Lo Vent d’autan

Zou bisou bisou

  • 🎵 Zou Bisou Bisou – Cheri-cheri

  • 🎵 Zou Bisou Bisou – Sib, Manu et Olive

  • 📢 Chéri-Chéri es un polidet duò que demòra a Londres. Son repertòri reverta l’ambient cliché Their repertoire includes vintage French music such as Edith Piaf, Mistinguett, Jeanne Moreau, Brigitte Bardot. Cantat per Madomaisèla Diehl, una francimanda acompanhada per un guitarist britanic pur chuc, Senher Budd.

🎤Calendièr

  • Lo VRAC, veirina regionala d’art contemporanèu, ten una mòstra de Luc Aussibal, Ponchas d’Agach, Luc que fan tanben tindar la lenga nòstra dins sas cançons, que bota en musica los tèctes de Jaume Privat, ven nos far omenatge de nòstra Poncha d’Agast a nautres. Plan de l’Oliu o de l’olivièr, o plan de l’Anciana Comuna, dins l’ostal de Tauriac.

  • Recaliu cors de lenga pels començaires e confirmats al Fogal La Capela, dimècres 17 de decembre a quatre oras del vèspre pels començaires, a cinc oras e mièja pels desgordits.

  • Cada setmana lo dimars lo talhièr Claudi Peiròt se remosa al local de la SEM (Societat d’Estudis Milhaugués), son local qu’es passat Carrieira de la Condamine. A Milhau. A tres oras del vèspre, de l’aprep-mièjorn, de la temtossada, del tantòst, coma volètz, d’al moment que a tres oras.

  • Dimenge 21 de Decembre a la gleisa Sant-Miquèl a Castelnòu-Pegairòls a 15h30, la corala del Festenal de La Musa presentarà Los Nadalets, amb los enfants de las escòlas de Sant-Bausèli, Castelnòu-Pegairòls, Montjòus, Lo Vialar de Tarn e Sant-Roma de Tarn. Participacion liura e lo veirat de l’amistat.

  • Lo Caylar l’associacion LARZAC VILATGE D’EURÒPA, cada primièr dijòus del mes organiza un cafè occitan, Al Cailar doncas lo 8 de genièr.

  • Per acabar, a l’Ostal de la Region Occitanie País Catalan, se ten l’expausicion de Max Roqueta d’Argelièrs per celebrar lo centenari de sa naissença. Lèu lèu cal i anar perque demòra sonque quinze jorns en plaça. Aquí a Radio Larzac sèm pas en resta perque benlèu l’avètz remarcat cada jorn dins lo calendièr de Calendas, un tròç d’un conte tirat de Vèrd Paradis de Max Roqueta es legit.

FIN

🎵 Cowboy Bebop – Bad Dog No Biscuits

Vaquí que s’acaba Manda ! vos desiram de bonas fèstas, gaujosas, granadas, serenas e nos retrobam de l’autre costat del cap de l’an. 19 de genièr.