Manda ! #2 (sason 2) – 9 de novembre 2026
MANDA ! 2026.11.09
1-intro
🛏️🎵 01-Mascarimiri – Balkanika Pizzicata – (edit)
📢 Òo, tornamai lo generique de la primièira emission de la primièira sason. Mascarimiri, lo grop polhèse, de Polhas en Italia. Claudio “Cavallo“ Giagnotti e son fraire Cosimo an montada aquela formacion per tornar trobar la tradicion Salentina. Cf l’article de la Wikipedia francesa.
🎤Per l’emission de duèi avèm :
Doas entrevistas qu’avem collectadas al Caveau de Sant-Africa per un concèrt de sosten a l’associacion Polysons que fasiá venir tres grops de mai o mens vesins. sià Tust (Lila, Carolina, Xavièr, Juli), CxK (Paulin Cortial e Dimitri Kogane). Puèi lo tresen Château Cosco, que Nico me bufa a l’aurèlha que son un pauc de Milhau e bravament del Clapas (Montpelhièr). Ausirem tròces de cada grop dins la presenta emission…
La recepta de topina, puèi un semalat de musica, pas de Catalan ça que la mas fòrça musica que nos ven d’Italia. Regalatz-vos ! 😜
2-Entrevista Caroline Dufau Cocanha e Tust (en doas partidas)
🎤 02a-Entrevista Caroline Dufau Cocanha e Tust al Caveau de Sant Africa (1èra partida)
🎵02b-Diure Samsir – Cocanha(2.53).mp3
🎤 02c-Entrevista Caroline Dufau Cocanha e Tust al Caveau de Sant Africa (2da partida)
📢 Entre las doas partidas de l’entrevista avèm ausit Diure Samsir. Una mena de rondèu de nou
tust, es la collision doça entre Cocanha e SEC. Cal imaginar lo bitum (l’alquitran) brutlant sus un parcatge al calimàs. Quora la pluèja que tamborineja s’evapora d’aise e que l’auratge brama al luenh. Quatre voses, tres tamborins de còrdas, doas guitarras baissas, una bateria conjugadas, e los còrs tustant a l’unisson. Qualques cambetas per desjogar los còrs, alunhar lo languiment, sens reganhar a la repeticion. tust cant en occitan, lenga del territòri ont se son encontrat.das. Arrapa-te per i pausar una dança.
3- Coscocore-Château Cosco
🎵 03- Coscocore-Château-Cosco (5:18)
📢 Coscocore-Château-Cosco noise-rock
- Lucas P.A. : doublebass
- Martin Giraud : drums
- Louis Huck : guitar
4-Entrevista de Paulin Courtial (CxK) (en doas partidas)
🎤 04a-Entrevista de Paulin Courtial
🎵04b-Castels dins la Luna-CxK(4.40).mp3
🎤04c-Entrevista de Paulin Courtial
5-Topina – Caud, caud… caùlet ! o lo biais de rescaùfar los frejaluts
🎵 pad_Quante regal.mp3 👍
| 🎤Caud, caud… caùlet ! o lo biais de rescaùfar los frejaluts | |
|---|---|
|
Mameta : Torna-mei la pluèja ! E lo frèg es aquí ! Lo dimenge, podrèm pas pus campanejar a la vinha. Nos caldrà demorar al canton del fuòc. Alucarem lo fornet e ne profitarem per nos pagar de bonas oladas de sopas de carn. Papeta : De sopa, de sopa…d’accòrdi ! Mas se nos fasiás tanben un brave caulet farçit. Lo dimenge auràs tot ton temps per cosinejar e regalaràs totes los frejaluts. Mameta : Qu’as plan rason ! Demandarai a l’oncle Polita de nos portar un gròs caulet de son òrt. N’a de fotrals : se vei que li planiguèt pas lo migon amai la susada ! Papeta : Atal, podràs nos assadolar totes sans assecar lo pòrta-moneda. Mameta : Veja ! gardarai lo bolity e ambe un pauc de ventresca e de cambajon aurai mon farç… E lo dimenge, lèu levada, Mameta se botèt al trabalh. Un còp plan netejat a l’aiga vinegrada faguèt blanchir lo caulet dèch minutas. D’aquèl temps adobèt son farç : sul postèl trissèt la carn ambe de mesola de pan, un alhet, un pauc de jauverd ; li mesclèt de sal, de pebre e d’iòus. Puèi, doçamenton, escartèt las fuelhas e entremieg caduna en començant per lo mitan, li engulhèt lo farç. Dins l’ola, ambe cebas, racinas e bolhon, lo caulet configuèt tres oras plenas al canton del fornet… S’aviatz vist las maissadas que fotèron totes los aganits de l’ostalada, a n’aquèl polit dimenge ! … A se’n petar la sosventrieira ! |
Per 6 personas :
|
🎵05a-A Dada-Gigi de Nissa(2.17).mp3
🎵 pad_A_Dada_Bourvil.mp3 👍
🎵05b-Dobai-Aqueles-Punk’s not born-2015 (3.40).mp3
📢 Gigi de Nissa, accordeon, banjolele + ukulele e Aqueles
jà de 2015, Aimat, Matèu, Benezet.
A fòrça de debartassar, acabèran per l’agantar aquel Sweet Languedoc.
E lo cantan ambe una candida coquinariá que lor va plan. Dins las voses ressona aquel país de las raras indefinidas. Coma un caireforc de culturas, las cançons escampan las idèas preconcebudas e convidan als plasers e al rescontre. Lo repertòri, adobat al biais d’Aqueles, apèla l’imaginari florissent de la lenga d’òc. D’amor e de solelh aquò rai, mas tanben de drama, d’argent pegós, un rossinhòl encantaire, de marrits aucèls… Tres voses que fan l’orquèstre e sonatz fanfara !
L’estíl ? Te’n fagues. De chachacha, de cumbia, un pauc de swing, una valsa de las familhas, un rocksteady de vendémias. Ten, vaquí un solò de trompeta, una cançon fiulada, un riff de guitara… E tot a la boca. Enfins gaireben. Escotatz aquela linha de contrabassina e aquel tust de bomba. Aquò descofa, amai jol capèl.
Mas acabatz de dintrar !! En dos mots e tres cançons, amb Aqueles ne sauretz mai sul costat amagat de Lengadòc.
6-Some Skunk Funk – The Brecker Brothers
📢 Dos fraires coma lo nom del grop o daissa pensar. Randy (ancianament membre de Blood, Sweats & Tears) e Michael Brecker porgisson un pauc de jazz fusion mescat de funk per agradar a Wiliam e Nico de l’emission Funky Good Time, sus vòstra Radio preferida, Radio-Larzac.
🎵 06-Some Skunk Funk – The Brecker Brothers(5.51).mp3
7-Ma tu Che Bbuò – NuGenea
📢Nu Genea es lo duò de Massimo Di Lena e Lucio Aquilina dos musicians de Napòl e la cantaira francesa Celia Kameni, que nos compausan una cançon leugièra de pòp jazz amb de paraulas a l’encòp en francés e en napolitan. L’inspicacion del duò es vesina del jazz-pop-electro General Elektriks qu’aurem l’occasion de far virar dins l’emission.
🎵 07-Ma tu Che Bbuò – NuGenea (3.07).mp3
8-Let’s Go Bowling-Spy Market
🎵 08-Let’s Go Bowling-Spy Market(2.33).mp3
📢 Let’s Go Bowling es un grop de Ska dins son tresen chuc, es a dire sa tresena ersa (ska third wave). Valent a dire que la musica eSka a reviscolada tres còps. Fondat, lo grop en 1986 a Fresno, California.
9- The Ghost Song-Jim Morrisson & The Doors
🎵09-The Ghost Song-Jim Morrisson.mp3 2:50 o 4:09
📢Amb las nèblas de Novembre e Martror (La Sant-Martin) que se sarra, un pichon gargalhòl de musica de The Doors e son cantaire emblematic Jim Morrisson que legís un de sos poemas.
10- Calendièr
🛏️🎵 10-La Séquence du Spectateur
- Recaliu cors d’occitan a Milhau. cada dijòus a 5 oras del vespre (17h30) al fogal La Capela, plaça de la Capela, Milhau, per lo 12 e lo 26 de novembre.
- La Societat d’Estudis Milhauguès, la SEM ten una permanénçia cada dissabte tre detz oras, 22b, carrièra de la Condamine, Milhau e se ten lo Talhièr Claudi Peyròt cada dimars a 3 oras del vespre. D’obratges occitans n’an de laissas plenas a botar a posite pel public.
- Lo Festenal de la Musa ten un cors de lenga a Sant-Bausèli cada dos divendres a 4 oras e mièja adoncas rendetz-vos aqueste divendres 16 d’octobre.
- Dimenge 22 de novembre à 14h30 : Quina del Festenal a la sala del castel a Sant-Bausèli
- Dimars 24 de novembre repais occitan al Cafè de la Musa a Sant Bauzèli a miegjorn, se cal marcar. Avant-gost + plat + dessèrt + cafè + vin per 22 euros lo formatge es en sus de 3 euros de mai.
- Sirventés
- I a de datas, mas gaire, per la fin del mes e de còps luonh… 😒
| MUSICA |
LA MAL COIFFÉE LAURENT CAVALIÉ VERGER / CAVALIÉ |
|---|
| CONTE | ARNAUD CANCE 28/11 : Saint-Guilhem-le-Désert (34) Association Soumiaires – La Soupe à l’Oignon MALIKA VERLAGUET |
|---|
11- FIN
🛏️🎵 11-Cowboy Bebop – Bad Dog No Biscuits.mp3 (4’42)
E ben, una brava emission que s’acaba plan comola, nos sèm plan regalats e vos esperam lo mes venent cada segond diluns del mes a 10 oras e en difusion tardièra lo dijòus a 7 oras del vespre, 19 oras per los francimands.
Sèm en novembre, l’emission venenta se farà lo diluns 7 de decembre una setmana mai lèu per causa de Calendas, lo temps de Nadal.
Manda !!!
